اطلاعات کےمطابق پولیس اور سیکورٹی فورسز نے اتوار کی الصبح ہی شہر میں کرفیو نافذ کرنے کا اعلان کر دیا ہے۔
گزشتہ تین ماہ سے کشمیر میں مزاحمت کی ایک نئی تحریک نے جنم لیا ہے جس میں ستر افراد ہلاک ہو چکے ہیں۔ ہلاک ہونے والوں میں اکثریت نوجوانوں کی ہے۔
سرینگر میں بی بی سی کے نامہ نگار الطاف حسین نے بتایا ہے کہ عید کی نماز کے بعد ہزاروں کی تعداد میں لوگ احتجاج میں شریک ہوئے۔ نامہ نگار کا کہنا ہے کہ بھارتی حکومت کو سمجھ نہیں آ رہی کہ وہ اس مزاحمتی تحریک کو کیسے ختم کرے۔
آل پارٹی حریت کانفرنس کے رہنما میرواعظ عمر فاروق نے مظاہرین سے خطاب کرتے ہوئے کہا کہ لوگوں کا جم غفیر بھارت سرکار کے خلاف ایک ریفرنڈم ہے۔ انہوں نے کہا کہ لوگوں نے اس ریفرنڈم میں یہ فیصلہ دے دیا ہے کہ کشمیری بھارت سے آزاد ہونا چاہتے ہیں۔
0 comments:
Post a Comment